BATANGGUHAN

 BATANGGUHAN

Ikas : benda apa bila habis minyak laju jalannya, tapi bila hibak minyak gimit banar jalannya.
Ikup : honda dibuat dalam mutur trak.
Ikas : salah
Ikup : gung
Ikas : urang bajual minyak gas bagarubak, bila habis minyaknya laju banar jalannya  gimit banar bajalan barat
         manariknya, tapi bila habis minyaknya lalu laju ha bajalan karena hampul ditarik.


Ikup : Nah tangguhi lah, bila bendanya naik turun urangnya, tapi bila turun bendanya naik urangnya apakah
          itu.
Ikas : urang manaik akan kaliyangan.
Ikup : lain
Ikas : urang main batmenton.. bial menyemis baluncat urangnya naik bulanya turun.
Ikup : lain
Ikas : gung
Ikup : Tukang beca naik jembatan, bila naik jembatan tukang becanya turun manunjul, tapi bila turun
          jembatan tukang becanya naik.

Ikas : Kup..kup.. apa bedanya inderuk bibinian lawan kurungan burung.
Ikup : Inderuk bibinian dibuat dari kain, kurungan burung diulah dari paring.
Ikas : Salah
Ikup : Inderuk bibinian bisa dipakai urang, kurungan kada kawa.
Ikas : Salah, nang bujur bedanya bila Inderuk bibinian dibuka masuk burungnya, tapi bila kurungan dibuka lapas burungnya.

Ikup : Bila dibuka lawangnya kadada kalihatan barangnya, tapi bila ditutup lawangnya kalihatan barangnya benda apakah itu.
Ikas :  Toko cina nang bakaca, jadi biar kalihatan urangnya nang didalam.
Ikup : salah, nang bujur lawang kereta api... bila dibuka kada kalihatan kererta api, tapim ditutup cagar lewat keretan apinya jadi kelihatan.

tatangguhan nang nyaman haja :
1.   Buah apa yang kawa manawaran jam ? Jam...bu (buah Jambu)
2.  Apa persamaan artis lawan hulat bulu ? sama-sama bisa naik daun.
3.  masuk kering kaluar lengkit ? gula batu karet.
4.  Benda apa bila dibuang lalu diambil lagi ?  Bola basket.
5.  Batman suka minum  apa ? minum..pas kejahatan. (menumpas kejahatan).
6.  Barang nya bulat dan besar tapi bila kentut jadi kurus dan lamah apakah itu ? Balon
7.  Mobil kalau berhenti ban mana yang badahulu tagana ? ban sirep
8.  Lagi halus babaju imbah ganal maka batilanjang apakah itu ? Rabung bambu.
9.  Kota apa yang selalu sedih ? malang.
10. Binatang apa yang ngarannya hanya 2 (dua) hurup ?   U dan G (udang).
11. Apa yang ditemukan orang diujung bumi ? hurup i
12.Kota apa yang tak pernah saurangan  ?  Sama.Rinda ( Samarinda)
13. bank apa yang kadada duitnya ? bank..krut. (bankrut)
14. Pulau ada yang dikatujui semut ? Madu..ra (Madura)
15. Kopi apa yang kada kawa diminum ? kopi..ah (kopiah, kopikah gulu)
16. Olah raga yang paling berat ? catur.
17. Kendaraan apa yang selalu tertawa ? Yamaha..ha...ha...
18. Iwak apa yang sangat lucu ? Tukul Arwana.
19. Pengusaha apa yang selalu menjual barang palsu ? Pengusaha gigi palsu.
20. Kenapa sapi jadi baliuran ? Kada bisa baludah.
21. Apa bahasa arabnya nenek gugur dari lantai 10 ? Innalillahi rojion.
22. Sambel apa yang bikin perut gambung ? menyeleng sambel minum air.
23. uang Rp. 100 ribu dilempar jadi apa ? jadi rebutan
24. waktu hidup dinyayikan imnah mati malah tepuk tangan apakah itu?
25. Apa bahasa jepangnya kalau kita kecopetan ? Sakuku diraba takurasa.
      - kada baduit : sakuku rata.



tunggu ja masih ada kisahnya....

SINGKATAN BAGAYAAN

SINGKATAN BAGAYAAN

PAN             : Pansiunan.
SMS             : Senang melihat kawan susah.
SENIOR      : Senang isteri orang
KUD            : Ketua Untung Duluan
DUIT           :  Doa Usaha Ilmu dan Tawakal
ATM           : Amati Tiru dan Modifikasi
JARUM       : Jarang Mandi
LA               : Laki Amburadul
BUPATI      : Buka Paha Tinggi-tinggi
CAMAT      : Calon Mati
RT                : Raja Tiru
Piktor           : Pikiran Kotor
Mantab        : Makan Tabungan
WTS            : Wartawan Tanpa Suratkabar
Kerbau         : Kurus bau lagi

tunggu ja masih banyak sambungannya......

Video Kisah Bahasa Banjar

Judul Kisahnya : Manjadi Kakanakan

Salam Pembuka

Bajogetan saat Acara Sunatan M.Farras Liranda

Rabu, 30 Nopember 2011

PANTUN BAHASA BANJAR

PANTUN unda 

lagi di Singapore 

Judulnya :

HANCUR HATIKU

Assalamualaikum...

Bibinan nang manyahuti
Mudahan batambah rajakinya
Lalakian nang manyahuti
Mudahan batambah bininya

Tanam pisang diatas galangan
Pinang diracik kulitnya dibuang

Malam siang aku kaganangan

Urangnya baik baduit ha pulang

Ngilu rasa dipalipatan 

handak baurut tadahulu urang 

ngalu kapala mamikirakan

nang di kahandaki tadahulu urang

Jambatan panjang papannya gadang

ampah kahulu tabulik pulang

tumatan bujang aku hadang

imbah balu tadahulu urang pulang

Tanah luas dipahalatan

balah ampat dipahumaan

sudah lawas kada badapat
imbah tadapat sakalinya baranakan

Gadang pisang sebelas batang

ambil sabatang andak dipapan

hadang-hadang pacar datang

sakali datang ba anak dalapan he..he,,

Hancur hatiku...muntahu kisahnya...
batu gin manangissssss..........

     ilam paltujuh

MAINTIL


Kambang sakaki jang ditabuk
hanyar damini mulai gerigitan
biar nang laki pina tambuk
asal nang bini bisa internetan


ketimun diandak kuyak kanasnya
muha nini genit kaya ikan kalui
mun handak banyak kisahnya
buka internet di google bukan si palui

Ada kisah, ada videonya
ada pantunnya, ada mahalabionya

ilampaltujuh

PAPADAH

Lilin dipiring habis malilih
anak tikus malingkari umanya
asa rambang hati mamilih
lamak kurus sama langkarnya

pais pipih simat dalapan
ganal tulang lipat kebalakang
biar habis gaji ampat bulan
asal dapat nang bujang

puhun jati balah dibuku
bagi dua diulah kayu
amun dihati sudah katuju
lakasi bawa karumah pangulu

lamun baju sudahlah tipis
jang ditapas hari salasa
kada katuju jangan dilapis
baik dilapas kada badosa

ilam paltujuh

TUHUK MAHADANG

Ka kandangan matan barangas
mancari kamuning didalam parit
karindangan lawas kada badapat
si putih kuning nang ganal burit

Buah durian buah tiwadak

musimnya buahnya dihadang

ngaran kapingin dan handak

biar balu tatap dihadang

tantaran panjang jangan diandak
ampah kahulu layar balipat
tumatan bujang aku nang handak
imbah balu hanyar pang dapat

untung jua dapat he..he..

rambai padi dibalah ketupat
imbah kahilir jalan mundur
pujaan hati sudah kudapat
biar balu burit kaya gadur

kuliling urang maarak
dalam parit sijukung sudur
mata manciling hidung malarak
malihat burit si balu kaya gadur

Raja kaka nih....

kuyak kanas rasanya masam kalu
kalu masam ambil uyah cap gudang
banyak kada katuju lawan si balu
biar balu baisi amas sagudang

ilam paltujuh


KAHIMUNGAN

Indahnya kambang babaris disini
hanyut tabawa kapinggiran pantai
wayahnya datang pacang jadi bini
disambut lawan bunga rampai

cahaya rembulan dimalam hari
bintang bertahta mengelilingi
bila pacang ada bini disini
siapa jua nang pacang manyaingi

pulau tabalah karna lautan
tarasa dingin banyu batang
kalau sudah diiih akan kuitan
rasa lakas handak badatang

ada batang diulah rumah ba kamar
cari gargaji ditatak akan pulang
sudah badatang karumah malamar
handak lakas dinikah akan pulang

indahnya kayu pukah digusukan
gigi barasih harum ha pulang
sudah nikah di  arai akan
lakasi bah kawin akan pulang

Cincin kawin dipakai di jari manis
tandanya sudah baisian tunangan
sudah kawin dirayakan habis-habisan
sakalinya handak bulan madu ha pulang

Bulan madu ke  bali bawa maggis
jangan lupa  tangan pakai sarung
tajual harta kuitan sampai lingis
mangawinakan anak nang surangan

balalu taungut kuitan ....manangis

ilam paltujuh


KADA BAHARAGU


Rasa banyu titikan dipalataran
kada bajamu makan kanas ha pulang
rasa babanyu babunyi karicikan
kada nyaman ditaruakan baik guringan

oy.... si aluh... masih kah bujang
guring digarak dipasar belauran
tapaluh awak senam arab diranjang
kurihing nang dibawah titik baliuran

he...he... makanya bajamu.......

ilam paltujuh

  
    Bergaya dimuka Ruang Pertemuan Bukit Tinggi Padang

BIODATA BLOGGING

 Hallo Teman-teman blogger, ini merupakan posting pertama unda, blog ini berjudul Kisah Bahasa Banjar BUKAN SI PALUI, bukan sipalui karena peran dalam kisah nama nya lain si palui, tapi ngaran dikampung haja diblog ini  unda isi dengan artikel-artikel, dan cerita-cerita lucu berbahasa Banjar yaitu Kisah Bahasa Banjar, Mahalabio, Pantun Bahasa Banjar  dan Video Kisah Bukan Sipalui Untuk perkenalan inilah Biodata unda : 

Nama                   : Muhammad Ramlan
Nama Panggilan    : Ramlan atawa Ilam
Nama gelaran       : Ilampaltujuh
Alamat                 : Jl. Achmad Yani KM/Pal 7 Jl. Pemurus Komplek Purnama II RT.9/3 No.3 Kertak Hanyar I 
                             di Kertak Hanyar Kab. Banjar  Provinsi Kalimantan Selatan
Pekerjaan            : Pegawai.
Email    : ilampaltujuhmr@yahoo.co.id
Pasw      : 04072003
HP                      : 081933772009
Hobby                 : Olah raga, Menulis, Memancing.
Kata Mutiara       : Katakan Untuk Mendengarkan.
Papadah              : Kalu handak sugih, Cangkal mancari duit artinya bekerja harus lebih dari orang lain.
Kunci sukses       : cari DUIT  dan simpan di ATM, DUIT artinya Doa, Usaha, Ilmu dan Tawakal
                             ATM artinya Amati, Tiru dan Modifikasi. Asal dipakai Insya Allah berhasil.        
Prinsip                 : S 3 ( Santai, Serius dan Sukses )

Bila ada rasa nang kada baik atawa baik jua komentari haja unda suka banar, kaina unda balasi..., mudahan kita sabaratan sehat wal afiat lahir dan bathin, selalu batambah rajakinya, panjang umurmu dan selalu berbahagia bersama keluarga, kerabat, tetangga dan orang lain. jangan kada ingat...selalu tersenyum walupun pahit yang kita rasakan, karena senyum adalah ibadah. Terima kasih.. salam sukses.

Unda lagi naik Kuda .... cuma kada sampai-sampai haja lagi nah... masih dalam perjalanan menempuh kehidupan yang penuh mesteri......  

KISAH BAHASA BANJAR BUKAN SI PALUI

Nang Maulah Kisah   Ilampaltujuh  alias Drs. Muhammad Ramlan, MM

Alamat  Pal 7 Jl. Pemurus Rt.9 Rw.03 No.3 Komplek Purnama 2 Kertak Hanyar I

Kabupaten Banjar Kalimantan Selatan

HP 081933772009

JUDUL Kisah yang ada ni :
 1. Bukah Tukang Ojek;
 2. Ami Talanggar Kambing;
 3. Masih Sakulah;
 4. Sama-sama Bisu;
 5. Amalan;
 6. Pambarian;
 7. Urang Banjar Tulak Kejakarta;
 8. Obat Kuat;
 9. Salam;
10. Ketua RT;
11. Takajut;
12. Digarak Bini;
13. Mariam;
14. Urang Tuha Bahari;
15. Luang;
16. Pangantutan;
17......

Bukah Tukang Ojek

Jek-jek ujar Utuh mangiyau ke gambut barapa jek ungkusnya, sapuluh ribu haja ujar ojek, unda kada manawar tapi hakunlah jek unda salajur mambawa kipas angin, ayu ha jar ojek, amun nangkaya itu ganii unda maangkatnya, hah... jar tukang ojek pina takajut didalam hati sambil mairingi si Utuh kahiga rumah, malihat kipas angin nang handak diangkat bukah tukang ojek, nang itu kada kipas angin pang tapi gumbaan banih, sambil manggarunum didalam hati.ha..ha..ha...

 AMI TALANGGAR  KAMBING

Urang arab kabiasaan dikiau urang dibanjar ni ami, mi..mi handak kamana pian pina basapida mutur nih ujar Utuh Halus anu tuh ai handak babacaan disubarang sungai tu nah. uh... jar Utuh. Parahaaaatan asik basapida mutur si ami nih,  pas ada manyubarang kambing... tapau si ami nih talanggar kambing taduduk si ami sapida mutur nya tarabah ha pulang, ami ni sangit banar lawan kambing... pas kabalujuran dihiga ada galam, balalu diambil ami galam tadi langsung handak dipangkungnya kambing tadi, pas handak mamangkung kambing tadi basuara kambing tadi miii... miii..miiii.. , takajut ami tadi kanapa kambing ni tahu lawan ngaranku jar ami... langsung tadiam... lalu kada jadi ai ami mamangkung kambing tadi. untung bing ai ikam tahu ngaran unda, jaka kada mati tipang kupangkung jar  ami dalam hati sambil mambujurakan sapida muturnya. he..he..he..

                                                                                        MASIH SAKULAH

Ringkas kisah si utuh ni handak kawin pulang lawan si Alda (aluh darat) cuma pinanya ada masalah sadikit, lalu utuh tulak ketuan guru handak patakun sampai dirumah guru, Guru...guru ulun ini handak batakun bulih lah ulun handak mangawini  si aluh, tapi urang... masih sakulah guru ai, bulihlah guru dikawani jar utuh, kawa ai asal umurnya sudah 17 tahun,  sudah guru ai..., mun nang kaya itu hadangi ai inya bulik sakulah, ha.... jar utuh bingung.

SAMA-SAMA BISU

Ikam tahulah din bila abahnya to bisu dan mamanya jua bisu pasti anaknya umpat bisu ujar Utuh, kada ujar Udin Sedunia sualnya ada haja Abahnya Bisu dan Mamanya Bisu anaknya normal haja. Itu jar ikam din ai imbah pang anaknya umpat siapa yu.. unda batakun jar utuh, umpat tetangga, tetangga pulang kada hakun,  pasti dah umpat abah dan mamanya nang bisu he... he... mung kaya ini mati unda jar udin.

AMALAN

Urang makan pisang tu kada kawa diamalakan tiap hari jar Utuh, takajut udin...

padahal pisang tu buah yang segar baik banar dimakan tiap hari apalagi habis makan, pas tu gasan cuci mulutnya jar udin. tatap ai makan pisang tu kada kawa diamalakan jar utuh lawan udin, makin bingung ai si udin ti, jadi jar utuh amun makan pisang tu diamalakan Tuhan pulang bingung. Makan pisang 33 x, nang kawa diamalakan tu subhanalla, alhamdulillah, Allahuakbar dll. tu din .. ai .. jangan makan pisang..33x he..he...

PAMBARIAN

Unda malihat udin sedunia. bila tulak kaluar daerah misalnya ka Jakarta, Surabaya, Bali dan daerah lain, pasti mambawa duit ribuan banyak banar, kadang-kadang sampai 300 ribuan, unda rasa bingung jua pang jar utuh. lalu utuh manakuni lawan udin. Din..din... kanapa bila ikam kaluar daerah pasti banyak mambawa duit ribuan gasan apa din...., gasan mambari kakanakan nang minta dijalanan.. mai pina darmawan banar ikan ni din..., unda lihat dibanjar kada bisa mambari kakanakan apalagi urang minta sadakah, kanapa garang din jadi kaya itu. Nyawa tahulah tuh... jadi unda mambari kakanakan tu..., kalu ai.. ada anakku nang jadi....jar udin sualnya bila kita kada taungkusi anak badusa tuh ai, ihhhhh kanapa kaya itu din... sakalinya si udin ni banyak mahambur banyu.... jadi takutan kalu ada nang jadi anak he..he...

URANG BANJAR TULAK KA JAKARTA

Kaina lah bila di Jakarta jangan bapandir kaya dibanjar, supan kita ujar Udin sedunia mamadahi Abdullah, imbahpang kaya apa tih kalu kita dijakarta kaina, nah kabiasaan kita dibanjar bila bapandir ujungnya pasti tabuat LAH misalnya unda handak bulik LAH, amun dijakarta urang bapandir pasti ujungnya batambah DONG misalnya nanti dong aku menyusul, jadi bila kita di jakarta LAH nya diganti lawan DONG' oke jar abdullah. Singkat cerita sampailah Udin dan Abdullah dijakarta. Parahatan bajalanan dijakarta, pas Abdullah ini dicupit urang, marasa kacupitan lalu balapor lawan polisi. langsung ditakuni polisi siapa nama, ngarannya Abdullah, lalu manyahuti Abdudong (karena lah digantinya dengan dong), apa pekerjaan Abdullah ni masih sekolah, lalu manyahuti sekodong. polisi ni binggung pekerjaan sekodong.... he..he.. harus sekolah.

OBAT KUAT

Jar H. Ikup lawan H. Ikas munhandak kuat main dua bini ada ay ... resepnya... tahan lawaslah jada H. Ikas .. tahan dua jam..., hah.. takajut H. Ikas .. padahi pang..jar H. Ikas.Nyaman banar resepnya.... bilungka sabiji lawan kratingdaeng sabutul...., itu hajalah kup... iih jar ikas.. malam esok H. Ikas mancubaii... sakalinya kada kuat jua.... balalu bapadah lawan H. Ikas... kas..kas... aku samalam mancuba resep nyawa itu tatap ha nang kaya biasa. jar nyawa samalam tahan lawas..., kayaapa garang mamakainya....jar ikup..., bulungka tu unda parut lalu unda campur lawan kratingdaeng.... ohhhhh salah jar ikup...., nang bujur... kratingdaeng diminum.. bilungkanya dimasuk akan...., ohhhhh....jar ikas mun kaya itu tahan 3 jam....he..he...

                                                               

SALAM

Guru-guru umpat batakun pang.... apa tuh... anu guru ai ... bila ada urang mambari salam .... wajiblah kita menyahuti..... wajib tuh ai...., umay lah kada tasalah lah pian guru....itu ada hadist ya tuh ai.... jadi wajib menyahuti..... salah guru ai... harusnya manyahuti Muallaikum salam. ho.....ho... mahalabio kah... ikam ..tuh niii.

KETUA RT

Kabalujuran si Alan tapilih jadi RT,  langsung  bapidato. Assalamualaikum Wr.Wb
yth Bapak Camat Utuh halus, beserta bu tuh halus
yth Bapak Lurah Gajali beserta bu jal.
beserta para masyarakat pendukung unda yang berbahagia....
Kita sekarang sudah mengalami perubahan dari para generasi-generasi yang sudah beberapa diminsi... saya bukan mempropokasi atauwa sabotasi dijaman reformasi yang sangat sensasi dalam situasi dan kondisi dan tidak ingin membuat oposisi dan komposisi beberapa organisasi atauwa aliansi saya hanya menginstruksi supaya para kolosi dan korupsi supaya segera di likuidasi dan direpormasi sekarang mari kita renovasi atauwa reboisasi yang sudah basi-basi ... umai harat banar pa RT bapidato jar masyarakat barati kada tasalah kita mamilih sidin... pinanya pakai SI tarus pang diujungnya.. Para Ketua Praksi-praksi yang selalu berdasi...dan duduk dikursi,  tolong perjuangkan rakyat punya aspirasi jangan kami diintimidasi, mari kita berdiskusi untuk mencari solusi jangan cuma basa-basi, apalagi kalau sampai manipulasi kami berkoalisi lawan akmad kusasi akan berambisi mengawasi dan menghabisi bila diculasi gargaji wasi kami gayat digusi... dan kami habisi sampai.... tadangkak diwisi.. he...he... sekian sekaligus permisi.langsung baampikan urang.... mantap...

TAKAJUT

Ujar guru dimana haja kita batamu lawan kawan sebaiknya Basalamualaikum, apalagi handak naik karumah urang ujar utuh lawan udin, nyata haja jangan lawan nang hidup lawan nag mati gin kita baasalamualaikum jua  umpamanya kita ziarah kakubur baasalamualaikum ya ahli kubur jar udin manambahakan, ayyyy... kaya itulah lah..... siapa yang manyahuti.... nang didalam kubur... tambah bingung utuh..urangnya panakutan banar pang...jadituh ai.... ada guru... datang kakubur.... baasalamualaikum.... mualaikum jar didalam kubur...takajut guru... siapa ikam ... ulun tukang tabuk kubur... sambil bakaluar pada tabukan. he..he...


DIGARAK BINI

Sangit banar unda lawan bini jar si alan bapandir lawan kawannya, kanapa garang jadi nyawa sangit lawan bini.... kisahnya nah pas... unda lagi guring tamimpi baulanja nukar ruku sabungkus duitnya harga ratusan, waktu urang handak maunjuk angsulannya.. pas digarak bini... jadi kada sampat taambil angsulannya...kasal banar unda lawan bini napang digarak...maka parahatan kada sing duitan ha pulang..., lalu unda guring pulang sakalinya kada mau lagi tamimpi maambil angsulannya... dasar sialan...he..he...

 MARIAM

Si Utuh handak mangarani anaknya .... lalu tulak katuan guru..., guru-guru.. ulun handak batakun lawan sampian, bini ulun hanyar baranak bibinian  sudah tiga hari balum ada ngarannya, kira.. kira siapa ngarannya guru nang baik..., lalu guru bapajam.....langsung basuara MARIAM ngaran anak ikam tu nang baik, hah.... takajut si utuh.... kada kaganalan lah guru...., kaya apa kalu PISTOL haja ngaran anak ulun tu guru..... tasarah ikam ai BOM kah kada papa jua jar tuan guru pina sangit. he..he..



URANG TUHA BAHARI

Urang tuha bahari tu pintar-pintar jar Alan lawan amat,.. apa pintarnya jar amat, Maulah kata-kata misalnya BENDAHARA terbagi dua kata BENDA dan HARA, artinya bila jadi bendahara inya maharagu Benda yang hara... makanya bila maungkuti duit urang hati ni hara banar kalu pina hilang...., PANITIA terbagi dua kata PANAT lawan TIA, Panat artinya lapah (cape) sedangkan Tia artinya Kalu, jadi bila kita jadi Panatia kadada duitnya manjadi Panat tia (lapah kalu),ada lagi mat ai.... apa nya lan.... DAMI (bahasa hulu sungai tu MANDAI) singakatannya Daging Miskin, ada jua  Terima Kasih artinya Terima dahulu baru Kasih (mambari) he..he... jangan imbah manarima SK dll langsung terima kasih bujuran (kada mambari apa-apa), itu ngarannya kada Terima - Kasih.

LUANG

Urang hidup to pasti mancari luang jar si alan, hah.. jar udin...., nah lah mulai dari balum jadi ikam ni... din ai, abah ikam tu pasti mancari luang gasan baulah ikam tu, pas handak lahir ikam pulang mancari luang jua, tamasuk bidan mancari luang pulang, handak turun pada rumah mancari luang/pintu, handak makan mancari luang, handak bahira mancari luang, pas mati mancari luang pulang. nah ya kalu din...he...he...

Ilam pal tujuh lagi halus

PANGANTUTAN

Mun ikam ni kup ai.... kesehatan 10 pang, tapi ahklak 5 jar ikas.... kanapa tih.... sualnya ikam pangantutan... bila bakantut ikam tungging akan lawan kawan.... lalu kabauan kawan...., tapi ada jua pang nang kada mancium... jar ikas.... itu ngarannya tataguk kas.. ai...., mun aku kup aiiiii kantutnya kada papa pang cuba baunya nah..... apalagi bila ikam bakantut kada sing bunyian... tu tacirit he..he... jadi bila pangantutan ni nyata  kad mau sakit parut... jadi kesehatan 10..., cuma bakantutnya nyaring banar ... lawan kawan kabauan jadi ahklak dapat 5 kada supan jar urang tu..

Nukar kuahnua haja